Пушкăртстан Пуçлăхне суйламалли юлашки кун пуçланчĕ

ПР Тĕп суйлав комиссийĕ пĕлтернĕ тăрăх, сентябрь уйăхĕн 7-мĕшĕнче 20.00 сехет тĕлне суйлавçăсен 51 проценчĕ сасăлава хутшăннă. Закона пăснă йĕркесĕрлĕхпе çыхăннă тĕслĕхсене шута илмен, суйлав участокĕсем пурте ăнăçлă та лăпкă лару-тăрура ĕçленĕ.

Аса илтеретпĕр, суйлав кампанийĕ вăхăтĕнче хĕрÿ лини ĕçлет. Хăвăра интереслентерекен ыйтусем çине  8-800-347-54-54 номерпе хурав илме пулать. Унсăр пуçне «Рахмат» акци вăхăтĕнче 330 парне выляттараççĕ. Çав шутра – хваттерсем, автомобильсем тата санаторисенче канмалли путевкăсем.

Юрий СНЕГОПАД.