Суйлав çĕкленÿллĕ кăмăлпа иртет

Паян, суйлавăн юлашки кунĕнче, республикăри наципе культура перлĕхĕсен ертÿçисем пурте пĕрле Ĕпхÿри Обществăлла пресс-центрта пухăннă. Вĕсем кашниех суйлав пĕлтерĕшĕ пирки каласа панă, сасăлав пур çĕрте те уяв пек иртнине палăртнă. Тĕлпулăва республикăри Туслăх çурчĕ йĕркеленĕ.

Районсемпе хуласенчи наци юхăмĕнче тăрăшакан хастарсем те çакнах çирĕплетеççĕ. Суйлаври çĕкленÿлле те хавас сăна çак сăн ÿкерчĕк çинче те курма пулать. Пелепей районĕнчи чăваш наципе культура автономин председателĕ, Раççейри ЧНКАн аслă канашĕн пайташĕ Владимир Яковлев гражданла тивĕçне пурнăçланăшăн тата чăваш халăхĕ çак политика мероприятинче хастарлăх кăтартнăшăн чĕререн савăнать.

Юрий СНЕГОПАД.