74 çулхи кинемей шпагат та тăвать, балет та ташлать

Ĕпхÿре пурăнакан 74 çулхи хĕрарăм шпагат тăвать тата балет ташлать тесе пĕлтерет «Честно говоря» телеграмм-канал. Журналистсем тĕпчесе пĕлнĕ тăрăх, икĕ çул каялла Флария Парфентьева ача чухнехи ĕмĕтне пурнăçа кĕртнĕ – балет ташлама тытăннă. Вăл пилĕк çулта чухнех шурăпа хура телеэкран çинче ташланине курсан балет тыткăнне лекнĕ имĕш

Чăн та ĕмĕчĕ пиçсе çитнĕ, анчах та пурнăç хăйĕн çулĕпе чупнă май ăна пурнăçлама мехел çитереймен: е ĕç, е çемьери лару-тăру тытса тăнă. Икĕ çул каялла вăл балет студине çырăннă та хальхи вăхăтра эрнере тăватă хутчен 55 минутлăх уроксене çÿрет. Çавăн пекех Флария Парфентьева Пушкăрт патшалăх оперăпа балет театрĕн сцени çинче ытти актерсемпе пĕрле ташлать.

Юрий СНЕГОПАД.

Автор: Юрий Михайлов

Читайте нас