Усăллă та кăсăк экскурси

Паян, декабрь уйăхĕн 10-мĕшĕнче, Ермеккей тăрăхĕнчи Янăшмапа Суккул шкулĕсен вĕренекенĕсем Светлана Сидорова вĕрентекен тата Фануза Чулпанова Суккулти вăтам шкул директорĕ ертсе пынипе Пелепей хулинчи информаци центрĕнче пулса курчĕç. Ачасем «Урал сасси» хаçат редакцийĕн, типографин пичет тата кĕнеке-журнал калăплакан (переплет) цехĕсен ĕçĕсемпе паллашрĕç.

«Урал сасси» хаçатăн тĕп редакторĕ Юрий Михайлов ачасене хаçатăн кун-çулĕпе, историйĕпе, ĕç кăткăслăхĕпе паллаштарчĕ. Пичет цехĕнче хаçат епле пичетленсе тухнине, переплет цехĕнче кĕнекесем, брошюрăсемпе журналсем тунине, вĕсен пичĕсене çыпăçтарнине ачасем хăйсен куçĕпе курма пултарчĕç.

Юлашкинчен Юрий Николаевич ачасене хаçат юбилейĕ тĕлне кăларнă блокнотсемпе авторучкăсем асăнмалăх парнелерĕ. Экскурси ачасемшĕн усăлла та кăсăк иртрĕ.