Пелепей хулинчи часавая туса пĕтернĕпе пĕрех

Хĕреспе купола хăй вырăнне вырнаçтариччен Пелепей округĕн благочиннăйĕ, Таса Никильский чиркĕвĕн настоятелĕ Андрей Кирсанов протоирей сăвапланă. Тĕн объекчĕ тинех тавралăха хăйĕн илемĕпе илĕртме пуçланă.

- Питĕ те кăмăллă, строительство ĕçĕсем кал-кал пыраççĕ, - тенĕ Андрей атте. – Муниципаллă район администраци пуçлăхĕ Азат Сахабиев çак пуçарăва ырланишĕн тата панă сăмаха тытнăшăн эпĕ савăнатăп. Пĕрле ĕçленĕшĕн ăна тав тăватăп.

Малашне çĕршыв хÿтĕлевçисене асра тытса лартнă часавай хулана килсе çÿрекенсене Приютово енчен килекен çул хĕрринче кĕтсе илĕ. Иртсе пынă май кашниех ветерансене, интернационалист салтаксене тата паянхи кун çĕршывăн чиккинче çапăçакан паттăрсене аса илĕç, вĕсемшĕн кĕлĕ вулĕç. Çак часавай умĕнче эпир паллă кунсенче молебенсем ирттерме пултаратпăр. Сăмахран, Аслă Çĕнтерÿ кунĕнче, май уйăхĕн 9-мĕшĕнче, е ытти чухне.

Анна ЛАПИНА.