Ĕпхÿ тата Пушкăртстан митрополичĕ Никон 75 çул тултарнине паллă тунă

«Никон владыкона пирĕн республикăра пурăнакансем тивĕçлипе хисеплеççĕ. Вăл хăйĕн пурнăçне Турă ĕçĕсемпе çыхăнтарнă тата тăнăçлăхшăн, ырă ĕçсемпе мĕн пурин ырлăхĕшĕн тăрăшать. Питĕ çутă та ăс-хакăллă çын. Пушкăртстан митрополийĕн пуçлăхĕ пек ăс-тăнлă тĕн ертÿçи пулнăран пирĕн республикăра вуншар çул тĕрлĕ халăхсемпе тĕне ĕненекенсем хушшинче тăнăçлăхпа ăнлану хуçаланать.  Никон владыкона юбилей ячĕпе чун-чĕререн саламлатăп. Ырлăх-сывлăх сунатăп, сирĕн ырă ĕçĕрсемшĕн тав туса пуçăма таятăп», - тесе çырнă регион ертÿçи.

Юрий СНЕГОПАД.