«Лайăх хутшăнусем йĕркелĕпĕр, пирĕн уйăрмалли нимĕн те çук»

Ноябрь уйăхĕн 11-мĕшĕнче Пушкăртстан пуçлăхĕ Радий Хабиров Ĕпхÿ епархин тата Пушкăртстан митрополин пуçлăхĕ пулма шанса панă çĕнĕ Филарет митрополитпа лайăх хутшăнусем йĕркелессине шанчăк пуррине пĕлтернĕ.

Республика ертÿçи хальлĕхе унпа тĕл пулманни çинчен каланă.

- Тĕл пулу çинчен калаçса татăлатпăр, эпĕ ăна кĕтетĕп, - палăртнă Радий Хабиров. – Унăн анкетине куртăм, вăл Мускаври инженерипе физика институтне (МИФИ) пĕтернĕ. Вăл пысăк пĕлÿллĕ çын. Малтанхи Никон владыкăпа тунă хутшăнусем пекех унпа та йĕркеллĕ пулĕ, пирĕн уйăрмалли нимĕн те çук.

Çавăн пекех Пушкăртстан пуçлăхĕ 75 çул çитнипе тивĕçлĕ канăва тухнă Никон владыкăн тивĕçлĕ ĕçĕсем пирки те каланă.

Автор: Инга Алексеева

Читайте нас