Раççей почти Пушкăртстана сăнлакан открыткăсем кăларнă

Пирĕн республикăн открыткисенче Юрюзань юхан шывне, Инзерские зубчатки  ту хырçине (хребет), «Башкирия» наци паркне, Айгир чул тăвĕсене тата Идрис çĕр хăвăлне сăнланă.

Коллекцие Вырăс географи обществи кашни çул ирттерекен  «Чи илемлĕ çĕршыв» фотоконкурсăн архивĕнчи ĕçсем кĕнĕ.

Турист открыткисене пĕр стильпе хатĕрленĕ, Раççей регионĕсен илемлĕ вырăнĕсен фотоколлекцине пуçтараканĕсене питĕ кирлĕ пулма тивĕç. Проект 2021 çулта çула тухнă.