Аслыкуль хĕрринче глэмпинг йĕркелĕç

Инвестор проекта пурнăçа кĕртме 30 млн тенкĕ хывма палăртать. Кану бази административлă корпусран,  хăна çурчĕн номерĕсемпе каферен, ултă мунча комплексĕпе кану зонисенчен тăрĕ. Унсăр пуçне кунта ача-пăча тата аслисен вăйă зонисем, кинотеатр йĕркелĕç. Кану бази республикăри чи пысăк кÿлĕ хĕрринче – Аслыкуль – вырнаçĕ. Çапла вăл туристсене илĕртекен вырăнсенчен пĕри пулса тăрĕ. Çавăн пекех асăннă проект Давлекан районĕпе республика экономикине пысăк витĕм кÿрессе шанаççĕ. Кану базине 2026 çулта хута яма палăртаççĕ.