2027 çулта 152 объекта хăтлăх кÿрĕç

Паян, март уйăхĕн 2-мĕшĕнче Пушкăртстан çыннисенчен 2027 çулта «Хăтлă хула хутлăхĕ йĕркелесси» федераллă программа витĕмĕпе обществăлла хутлăхсене тирпей-илем кĕртессипе çыхăннă сĕнÿсене йышăнма пуçланă.

Хăвăр шухăшăра «ПОС.Госуслуги» платформа урлă мартăн 26-мĕшĕччен пĕлтермелле. Çакăн пирки правительствăн оперативлă канашлăвĕнче республикăри çурт-йĕрпе коммуналлă хуçалăх министрĕ Ирина Голованова каланă.

Муниципалитетсем суйласа илнĕ объектсем тепĕр тапхăра тухĕç, апрель уйăхĕн 21-мĕшĕнчен пуçласа июнь уйăхĕн 12-мĕшĕччен пыракан онлайн-сасăлава хутшăнĕç.

Пушкăртстанăн çитес çулта хăтлăх кĕртме палăртнă 152 территорие суйласа илмелле.

Автор: Ирида Матниязова

Читайте нас