Белорецк-Учалă-Миасс çулăн 7 çухрăмне юсĕç

Учалă районĕнче «Пурнăç валли инфраструктура» наци проекчĕн витĕмĕпе  Белорецк – Учалă – Миасс  трасса çинчи Каримово тата Курама ялĕ çывăхĕнчи икĕ вырăнти 7 çухрăм тăршшĕ çула  юсаççĕ. Çакăн çинчен ПР Транспорт министерствинче пĕлтернĕ.

Белорецк – Учалă – Миасс  çул регионти тĕп транспорт артерийĕ шутланать. Ун тăрăх Белорецк тата Учалă районĕсенче пурăнакан 165 пин çын Белорецк тата Учалă хулисене çитеççĕ, «Урал» М-5 трасса çине тухса Челябинск облаçне каяççĕ тесе палăртнă Пушкăртстанри Транспорт министерствин пуçлăхĕ Любовь Минакова.