«Пирĕн ялта аслисене хисеплеççĕ»

Клуб тата библиотека ĕçченĕсем тăрăшнипе илемлĕ концерт иртрĕ. «Шевле» тата «Хĕр тантăшсем» ушкăнсем тĕрлĕ сăвă-юрă, ташăсем хатĕрленĕччĕ. Хăй вăхăтĕнче Тăван çĕршывăн пуласлăхĕшĕн ырми-канми тăрăшнă çынсене саламлама ял Канаш администрацин пуçлăхĕ Нурислам Тимиров, районти депутатсен Канашĕн пайташĕ Рифмир Гарифуллин килнĕччĕ. Мероприяти вĕçĕнче пурне те вырăнти ял хуçалăх предприятин сĕт продукцийĕн наборĕсене парнелерĕç. Тивĕçлĕ канури çынсем мероприятипе, ертÿçĕсен тимлĕхĕпе, парнесемпе кăмăллă юлчĕç.