Республикăра Çĕнĕ çула уявласси пирки калакан указа алă пуснă

Уявпа çыхăннă мероприятисене хатĕрлессипе тата ирттерессипе йĕркелÿ комитечĕ ĕçлĕ. Унăн председателĕ пулма регионти экономика аталанăвĕн тата инвестици политикин министрне, республикăри премьер-министрăн пĕрремĕш çумне Рустам Муратова çирĕплетнĕ.

Çĕнĕ çул елки декабрь уйăхĕн 22-мĕшĕнче иртĕ. Унта ятарлă çар операцине хутшăнакансен ачисене, вĕренÿ отличникĕсене, олимпиадăсемпе спорт ăмăртăвĕсен çĕнтерÿçисене, пултарулăх фестивалĕсен лауреачĕсене, нумай ачаллă çемьере çитĕнекен ачасене, тăлăх тата сусăр ачасене йыхравлĕç. Пурне те парнесем парĕç.