Пушкăртстанра пурăнакансене 2023 çулта 121 уяв тата канмалли кун кĕтет

Çĕнĕ çул каникулĕсемпе Раштав уявĕ хыççăн 2023 çулта Пушкăртстан территорийĕнче çак кунсем канмаллисем шутланаççĕ:

Февраль уйăхĕн 23-мĕшĕ – Çĕршыв хÿтĕлевçисен кунĕ;

Март уйăхĕн 8-мĕшĕ – Пĕтĕм тĕнчери хĕрарăмсен кунĕ;

Апрель уйăхĕн 21-мĕшĕ - Ураза-байрам;

Май уйăхĕн 1-мĕшĕ – Çуркуннепе Ĕç уявĕ;

Май уйăхĕн 9-мĕшĕ – Çĕнтерÿ кунĕ;

Июнь уйăхĕн 12-мĕшĕ – Раççей кунĕ;

Июнь уйăхĕн 28-мĕшĕ – Курбан-байрам

Октябрь уйăхĕн 11-мĕшĕ – Республика кунĕ -  Пушкăрт совет социализмла республики патшалăх суверенитетне йышăннă кун;

Ноябрь уйăхĕн 4-мĕшĕ – Халăх пĕрлĕхĕн кунĕ.

Февраль уйăхĕнче, Çĕршыв хÿтĕлевçисене халалланă уявра, республика çыннисем февраль уйăхĕн 23-26-мĕшĕсенче канĕç. Çĕнтерÿ кунне халалланă канмалли кунсем май уйăхĕн 6-9-мĕшĕсем шутланĕç. Виçшер канмалли кун Ураза-байрам (апрель уйăхĕн 21-23-мĕшĕсем), Çуркуннепе Ĕç кунĕнче (апрель уйăхĕн 29-мĕшĕ- май уйăхĕн 1-мĕшĕ), Раççей кунĕнче (июнь уйăхĕн 10-12-мĕшĕсем) тата Халăх пĕрлĕхĕн кунĕнче (ноябрь уйăхĕн 4-6-мĕшĕсем) кĕтеççĕ.

Март уйăхĕн 8-мĕшĕнче (Пĕтĕм тĕнчери хĕрарăмсен кунĕ), июнь уйăхĕн 28-мĕшĕнче (Курбан-байрам), октябрь уйăхĕн 11-мĕшĕнче (Республика кунĕ) эрне варринче пĕршер кун канăпăр.