Радий Хабиров Пушкăртстанра пурăнакансене РФ Патшалăх ялавĕн кунĕ ячĕпе саламланă

Паян, август уйăхĕн 22-мĕшĕнче, çĕршыв Раççей Федерацийĕн Патшалăх ялавĕн кунне паллă тăвать. Республикăра пурăнакансене çак кунпа ПР Пуçлăхĕ Радий Хабиров саламланă. Хăйĕн социаллă сечĕсенчи салам сăмахĕсене регион ертÿçи ачасен ÿкерчĕкĕсемпе илемлетнĕ. Ачасен ĕçĕсем вара гуманитари конвойĕпе ятарлă çар операцине хутшăнакансем патне çитеççĕ.

«Окопсенче, тылра, кашни хăйĕн вырăнĕнче эпир хамăрăн ялава сыхлатпăр. Ирĕклĕ, никама пăхăнман, мăнаçлă çĕршывăн – аслă Раççейĕн – ялавĕ. Эпир çĕнтеретпĕрех. Раççей Федерацийĕн Патшалăх ялавĕн кунĕ ячĕпе саламлатăп!» - тесе çырнă Радий Хабиров.

Юрий СНЕГОПАД.