Çар техникин тата ретроавтомобильсен куравĕ иртĕ

Вăл Вырăс драма театрĕ тата Ленин палăкĕ умĕнчи лапамсенче вырнаçнă тесе пĕлтернĕ Ĕпхÿ хула администрацин пресс-службинче.
Ĕпхÿре пурăнакансем тата хăнасем Асла Çĕнтерĕвĕн историне хăйсен куçĕсемпе курса хак пама пултараççĕ. Куравра Т-34 танк, БМ-13 «Катюша» çар машини, БА-64 бронеавтомобиль, пулеметлă М-72 мотоцикл, пехотăн çар машини, газогенераторлă ЗИС-21, ЛуАЗ-967 санитари автомобиль-амфиби пулаççĕ. Çавăн пекех ГАЗ ушкăнне кĕрекен хурçă утсемпе, çав шутра «Победа» кабриолет тата ыттисем те, паллашма май пулĕ. Пурĕ - 50 экспонат.
Курав май уйăхĕн 8-мĕшĕнче 14.00 сехетре уçăлать те майăн 9-мĕшĕнче мĕн уяв программи вĕçлениччен тăсăлать.
Юрий МИХАЙЛОВ.