Çтерлĕре мунча юратакансен фестивалĕ иртĕ

Çтерлĕ хулинче июль уйăхĕн 17-19-мĕшĕнче Ашкатар юхан шывĕн çыранĕ хĕррипе «Хумай-фест» мунча культурин фестивалĕ иккĕмĕш хут иртĕ.

Лапама кĕмелли вырăн Эрĕнпур трактĕнчи 7№ çурт çывăхĕнче вырнăçнă.

Ертÿçĕсем пĕлтернĕ тăрăх, фествиальте ача-пăча, мунча, фудкорт (апат çимелли вырăн) зонисем, палатка лагерĕ, ярмарка йĕркелĕç. Хăнасем лекцисене, мастер-классене хутшăнма, оборудованисемпе материалсен куравне пăхма, отраслĕн предпринимателĕсемпе тата эксперчĕсемпе калаçма пултарĕç.

Çавăн пекех июль уйăхĕн 18-мĕшĕнче «Мунча хутлăхĕ» («Банная среда») спа-мунчан Раççей Чемпионачĕн регионти тапхăрĕ, июль уйăхĕн 19-мĕшĕнче – «Мунча чунĕ» («Банная душа») ăшши парассипе Раççей Чемпионачĕ иртĕ.