Канчăлавсем Сăмавар кунне паллă тунă

Ĕлĕк «Сăмавар ăçта – çавăнта ăшă калаçусем» тесе каланă. Сăмавар куллен усă курнă хатĕр шутланнă, вăл çителĕклĕ пурнăçа, хуçисем ырă кăмăллă пулнине сăнласа панă.

Давлекан районĕнчи Канчăлав ялĕнчи культура çуртĕнчи «Мерчен» чăваш фольклор ансамблĕ (ертÿçи – Ольга Акпасова) Сăмавар кунне халалласа чăн-чăн кĕреке пуçтарнă. Ушкăн пайташĕсем хаваслă юрăсем юрланă, илемлĕ ташăсем ташланă.

Пысăк сĕтел çинче авалхи пекех сăмавар чаплă вырăн йышăннă. Канчăлавсем Сăмавар кунне вĕри чейпе, кукăль-пÿремечпе сăйланса ирттернĕ.

Давлекан районĕ, Канчăлав ялĕ.