Хăнасене шкул ачисемпе педагогсем ăшшăн кĕтсе илчĕç. Пишкайăн шкулĕн ачисем вĕсене юрă-ташă парнелесе савăнтарчĕҫ. Лариса Коротаевапа студентсем ачасемпе «Çамрăк журналист» чăвашла мастер-класс ирттерчĕҫ. Пĕлÿ çуртĕнче ăс пухакансем тĕп редакторпа корреспондент, интервью илекенпе фотограф тивĕçĕсене пурнăçласа пăхрĕҫ. Ҫамрăк журналистсем ертÿçĕсем пулăшнипе заметкăпа статья ҫырчĕҫ, репортаж хатĕрлерĕç, сăн ÿкерчĕксем ÿкерчĕҫ. Унсăр пуçне вĕренекенсем стена хаçачĕ кăларчĕҫ. Маттур ĕçленĕшĕн вĕренекенсене пĕчĕк парнесемпе сертификат парса хавхалантарчĕç. Шкул ачисем студентсене тĕрлĕ ыйтусем пачĕҫ. Аслă шкулта вĕренекенсем хаваспах вĕсем çине хуравларĕç. Хăнасем шкул музейне кайса курчĕҫ.
Тĕлпулу питĕ тухăҫлă иртрĕ, вăл пурне те савăнăҫлă кăмăл-туйăм парнелерĕ.
Елена САВЕЛЬЕВА, чăваш чĕлхипе литература вĕрентекенĕ.
Авăркас районĕ, Пишкайăн ялĕ.