Çулталăк вĕçлениччен 50 çĕнĕ шкул автобусĕ уйăрĕç

ПР вĕрентÿ тата наука министрĕ Ильдар Мавлетбердин пĕлтернĕ тăрăх автобуссем кăçалхи виççĕмĕш кварталта килсе çитĕç.

Министр палăртнă тăрăх республикăра регион укçи-тенкипе шкул автопаркне çĕнетеççĕ. Сăмахран, 2024 çулта республикăри министерство 107, 4 млн тенкĕлĕх 17 шкул автобусĕ туяннă.

2024 çулхи июнь уйăхĕн 1-мĕшĕ тĕлне 50 206 вĕренекене республикăри вĕрентÿ учрежденийĕсене шкул автобусĕсемпе илсе çÿренĕ. Çак ĕçе 1 523 шкул автобусне явăçтарнă.