Шкул ачисене 10 пин тенкĕ тÿлеве август уйăхĕн 2-мĕшĕнчен пама пуçлĕç

Пĕр хутчен паракан 10 пин тенкĕ тÿлеве  сентябрь уйăхĕн 1-мĕшĕччен е çĕнĕ вĕренÿ çулĕн пĕрремĕш кунĕнче ултă çул тултарнă тата июль уйăхĕн виççĕмĕшĕнче (указ тухнă пĕрремĕш кун) е ун хыççăн 18 çул  тултаракан ачасене параççĕ. Укçа-тенке ачасене усрава, опекăна илнисем, попечительсем илме пултараççĕ.

Тÿлеве çавăн пекех  шкул программипе вĕренекен 18-23 çулхи сусăр тата сывлăхĕсем начар пулнипе тулли пурнăçпа пурăнайман ачасем тивĕçĕç.

Малтанхи кăтартусем тăрăх, Пушкăртстанра пĕр хутчен парăнакан 10 пин тенкĕ тÿлеве пĕтĕмĕшле пĕлÿ паракан программăпа вĕренекен  6-18 çулхи  650 пин ача тивĕçĕ.

Надежда РОДИОНОВА.