Çтерлĕре хими наукине тĕпчеме пĕрлĕхлĕ вĕрентÿ хутлăхĕ йĕркелĕç

 - Эпир шкул ачисемпе вĕрентекенсем кăна мар, вĕрентÿ учрежденисен педагогĕсем, студент-химиксем, çавăн пекех Росхими предприяти ĕçченĕсем те пĕрле ĕçлеме пултаракан пĕрлĕхлĕ хутлăх йĕркелесшĕн. Çакă ачасенче хими наукипе интересленес туйăма вăйлăлатĕ, вăрентĕвĕн пур енĕсене кăтартса пама пулăшĕ. Тен, вĕсем тăван хуларах ĕçлеме тăрса юлĕç, - тенĕ Пушкăрт сода компанийĕн пĕтĕмĕшле ыйтусемпе тата кадрсен управленийĕ енĕпе ĕçлекен директор Владимир Ануфриев.

Вĕрентÿ хутлăхĕ темиçе юхăмран тăрĕ. Пĕрремĕшĕ – Пушкăртстанăн кăнтăр енче олимпиада юхăмĕн наставникĕсен ассоциацине йĕркелесси. Иккĕмĕшĕ – Çтерлĕри химипе технологи колледжĕн никĕсĕ çинче çуллахи хими шкулне уçасси.

Йăлана кĕнĕ хими олимпиадисемпе конференцисем, профильлĕ уроксем ирттернисĕр пуçне паянхи вĕрентÿ хутлăхĕн шайĕнче инновациллĕ хими кабинечĕсем те уçнă. Çакăн йышши кабинетсем Çтерлĕри тăватă шкулта, Ĕпхÿ патшалăх нефть университечĕн хула филиалĕнче тата Çтерлĕри химипе технологи колледжĕнче уçăлнă.