Юлашки шăнкăрав – шкул сукмакĕ кĕскелнĕ кун

Паян республикăри районсемпе хуласенче «Юлашки шăнкăрав» иртет. Çак кун шкул вĕренсе пĕтерекенсем тăван шкулпа сывпуллашаççĕ темелле. Мĕншĕн тесен малашне вĕсене уроксене шăнкăрав йыхравламĕ, анчах та умра - пĕлтерĕшлĕ экзаменсем, пурнăçра çĕнĕ тапхăр пуçланать. Регионти Вĕрентÿ министерстви пĕлтернĕ тăрăх, Пушкăртстанра юлашки шăнкăрав 15,5 пин вун пĕрмĕш класра вĕренкенсемшĕн тата 51 пин тăххăрмĕш класс ачисемшĕн янрĕ. Вĕсене пурне те ăнăçу сунар.

Ҫулсерен ҫуркунне вӗҫӗнче,

Ҫӗмӗртсен ҫеҫкисен ырринче

Сиреньсен шӑршипе хутӑшла

Янӑрать шӑнкӑрав тунсӑхпа.

Шкул сукмакӗ паян кӗскерех,

Вӗл вӗҫеҫ хӑмпӑсем ир-ирех.

Вӑрӑм ҫӳҫлӗ чипер хӗрӗсем

Ҫыхнӑ капӑр, шап-шур хӑюсем.

Каччисем те паян яштакрах,

Хавасрах, тен, кӑштах шухӑрах.

Ҫамрӑксен умӗнче вӑрӑм ҫул.

Тунсӑхпа ӑсатать савнӑ шкул.

Янӑрать юлашки шӑнкӑрав,

Уроксем пулас ҫук, ҫук тӑхтав.

Пӗлӳ ҫурч - ачалӑх сасси,

Иртнипе Паянхи. Пуласси.

Алина НИКОЛАЕВА.

Автор:Юрий Михайлов

Читайте нас:

Новости партнеров

Телефон

8-347-86-4-12-78

Электронлă почта

[email protected]

Адрес

Республика Башкортостан, г. Белебей, ул. Мало Луговая, 53А

Реклама пайĕ

8-347-86-3-25-44

Редакци

8-347-86-4-22-81

Пĕрле ĕçлени

8-347-86-4-22-81

Кадрсен пайĕ

8-347-86-4-14-73