Пушкăртстанра пуçласа парта хушшине 47 пин ытла ача ларĕ

2024 çулта пуçласа парта хушшине 47 836 ача ларĕ. Пурĕ сентябрĕн 2-мĕшĕнче (кăçал Пĕлÿ кунне 1-мĕшĕнчен 2-мĕшне куçарнă) шкулсене 524 887 ача вĕренме килĕ.

- Роспотребнадзорăн Пушкăртстанри управленийĕ 1 728 шкула тĕрĕслесе тăрать. Ведомствăн специалисчĕсем пÿлĕмри сывлăша, шыва лаборатори тĕрĕслевĕ витĕр ирттереççĕ, çутăпа микроклимат параметрĕсене тĕпчеççĕ, - тесе пĕлтернĕ надзор органĕнче.