Шкулсене тĕпрен юсамалли программа шайĕнче 159 ача садне çĕнетĕç

Программăпа килĕшÿллĕн пысăк хуласенчи шкул çулчченхи учрежденисене кăна мар, пĕчĕк ялсенчисене те юсĕç. Унсăр пуçне унти пурлăхпа техника никĕсне çĕнетĕç.

Абзелил район администрацийĕн вĕрентÿ пайĕ пĕлтернĕ тăрăх, республика хатĕрленĕ списока районти тăватă ача сачĕ кĕнĕ. Вĕсем – Аскаровăри бассейнлă «Березка» ача сачĕ, çавăн пекех Ташбулатпа Янгельск тата Красная Башкирия ялĕсенчи шкул çулчченхи учрежденисем.

 - 2020 çулта пирĕн районта Тупаково ялĕнче шкулпа пĕр çуртра вырнаçнă ача сачĕ хăйĕн алăкĕсене уçрĕ. Унсăр пуçне юсав ĕçĕсем хыççăн Самарское ялĕнчи ача пахчи ĕçлеме пуçларĕ. Çитес вĕренÿ çулĕ тĕлне район центрĕнче 850 ачалăх нумай профильлĕ полилингваллă шкулпа 160 шăпăрлан вырнаçмалăх «Хазина» шкул çулчченхи ушкăн уçăласса чăтăмсăррăн кĕтетпĕр. Асăннă ушкăн сывлăхĕсем начар пулнипе тулли пурнăçпа пурăнайман ачасене йышăннипе уйрăлса тăрĕ, - тенĕ вĕрентÿ пайĕн ертÿçи Василя Абсадиева.

Владимир Путин Федераллă Пухăва янă уçă çырура шкулсемпе ача сачĕсене тĕпрен юсассипе çыхăннă малашнехи плансене пĕлтернĕ. Çĕршыв пуçлăхĕ палăртнă тăрăх, Расçей Федерацинчи шкулсене тĕпрен юсамалли программа 2030 çул тĕлне вĕçленмеле. Çакăн хыççăн вĕсене план йĕркипе килĕшÿллĕн юсĕç. Пĕтĕмĕшле палăртнине пурнăçа кĕртме 400 млрд тенкĕ ытла уйăрĕç.