Ĕпхÿре геномлă центр уçăлĕ

Апрель уйăхĕн 4-мĕшĕнче Ĕпхÿре Аслă шкулсем хушшинчи студентсен кампусĕнче геномлă центр хăйĕн алăкĕсене уçĕ. Çакăн пирки ПР Пуçлăхĕ Радий Хабиров тунти кун правительствăн оперативлă канашлăвĕнче пĕлтернĕ.

Кăçалхи çу кунĕсенче вара геномлă центр çумĕнче «Школа 21+» проект вăй илĕ. Ку «Сберпа» пĕрле пуçарнă вĕренÿ проекчĕ шутланать. Унăн уйрăмлăхĕ - генетикăри цифрăллă технологисем енĕпе ятарлă программа тата ача-пăча трекĕ. Ачасем пĕчĕкренех микроконтроллерсене вĕренĕç, электронлă схемăсем тума хăнăхĕç, тĕрлĕ оборудованисемпе çыхăнса ĕçлемелли майсене алла илĕç.

Автор:Ирида Матниязова

Читайте нас

Партнеры