+28 °С
Пӗлӗтлӗ
Вĕрентÿ
28 Майӑн 2025, 06:00
Шкулсене паттăрсен тата паллă деятельсен ячĕсене парĕç
Пушкăртстанра ПР Правительствин «ПР пĕтĕмĕшле пĕлÿ паракан учрежденисене Совет Союзĕн Геройĕсен тата республикăри паллă деятельсен ячĕсене парасси» проекта обществăпа сÿтсе явма йышăннă. Çакна çирĕплетекен документсене Пушкăртстан Республикин официаллă порталĕнче пичетлесе кăларнă.
Шкулсене паттăрсен тата паллă деятельсен ячĕсене парĕç
Документпа килĕшÿллĕн республикăри 95 шкула Совет Союзĕн Геройĕсен тата республикăри паллă деятельсен ячĕсене парĕç. Ятсем парассипе çыхăннă сĕнĕве муниципаллă районсемпе хуласен, вырăнти хăй тытăмлăх органĕсен администрацийĕсем, обществăлла организацисемпе граждансем тăратнă.
Палăртнине пурнăçа кĕртме муниципаллă районсен тата хула округĕсен укçи-тенкипе усă курĕç.
Постановлени проектне 2025 çулхи май уйăхĕн 27-мĕшĕнчен пуçласа июнь уйăхĕн 2-мĕшĕччен сÿтсе явма пулĕ.
