Çĕньял ачисем çуллахи каникула усăллă ирттереççĕ

Урамри картишсен планĕпе килĕшÿллĕн Авăркас тăрăхĕнчи Çĕньял шкулĕнче пуçламăш классенче вĕренекенсем валли «Хаваслă старт» хускануллă вăйăсем иртнĕ.

Чи хастаррисен шутĕнче 4 класс ачисем хăйсен ертÿçипе Г.В. Карповапа пулнă. Ачасем вăхăта хаваслă та усăллă ирттернĕ. Вăйăсене йĕркелесе ирттерме И.Мавлиханова, Р.Фаттахова, К.Павлова аслă классенче вĕренекен хĕр ачасем пулăшнă.