Çтерлĕре автобус водителĕ çар тумне тăхăнса ĕçе тухнă

Çурçĕр Кавказри çар хирĕç тăрăвĕсен ветеранне, ятарлă çар операцийĕн участникне тата Çтерлĕри пассажир автотранспорт предприятийĕн водительне Аслă Çĕнтерĕвĕн 80 çулхи юбилейĕ умĕн «Çарти тава тивĕçлĕ ĕçсемшĕн» медальпе наградăланă.

«Башавтотранс» АО пĕлтернĕ тăрăх, Марс Садыков çамрăксене патриотизмла воспитани парас тĕллевпе ĕçе çар тумĕ тăхăнса тухнă.

- Çапла майпа Марс Садыков Тăван çĕршывăн Аслă вăрçине хутшăннă мăн асаттесен паттăрлăхне хисепленине, истори астăвăмне упрама чĕннине палăртать, - ăнлантарса панă «Башавтотранс» АОра.