+20 °С
Дождь
Вырăнти пуçарулăх
9 Июля 2022, 05:25
«Башкиравтодорăн» техника паркĕ çĕнелет
«Башкиравтодор» акционерлă общество «КамАЗ» никĕсĕ çинче туса кăларнă 10 самосвал туяннă. Вĕсенчен кашнийĕ пĕр харăс 32 тонна çăк тиеме пултарать. Çĕнĕ спецтехникăпа республика тăрăх аякри вырăнсене инертлă материалсем (хăйăр, грави) илсе çитерме пулать тесе пĕлтернĕ Пушкăртстанри Транспорт тата çул-йĕр хуçалăхĕн министерствин пресс-службинче.
«Башкиравтодорăн» техника паркĕ çĕнелет
Предприятинче техника паркне çĕнетесси яланах малти вырăнта тăнине палăртаççĕ. Малашне районсенчи филиалсем валли çĕне техника туянассине плана кĕртнĕ.
Иртнĕ çул «Башкиравтодор» вун икĕ Mercedes-Benz Arocs 3348 тягач самосваллă çурма прицеппа туяннă. Унсăр пуçне автогрейдерсем, экскаваторсем, асфальт сармалли тата çулсене фрезапа касмалли техникăсем, катоксем. Пĕтĕмĕшле 50 ытла техника единици.
Юрий СНЕГОПАД.
