Вырăнти пуçарусем валли ытларах укçа-тенкĕ уйăрĕç

Регион ертÿçи çирĕплетнĕ тăрăх, 2025 çулта ял-саласене тирпей-илем, хăтлăх кĕртмелли 724 проекта пурнăçа кĕртме республика хыснинчен укçа-тенкĕ уйăрĕç.

- Çак проект нумай çул хушши пурнăçа кĕрет, вăл - чи ăнăçлисенчен пĕри. Республика бюджедĕнчен пуçаруллисене, çынсене тÿреммĕн пырса тивекенисене пулăшу паратпăр. Муниципалитетсемпе спонсорсем тата вырăнти халăх та укçа-тенкĕ уйăрать. Проекта хутшăнса çĕнтернисене саламлатăп, палăртнине ăнăçлă пурнăçа кĕртме сунатăп, - тенĕ Радий Фаритович.

Çак нухрата тата вырăнсенче халăх пухнă, спонсорсем уйăрнă укçа-тенке мĕн валли тăкаклĕç? Комисси суйласа илнĕ проектсен шутне вилнĕ çынсене пытарнă вырăнсене, культурăпа кану объекчĕсене, вĕрентÿ учрежденийĕсене, палăксемпе çулсене юсаса çĕнетесси, шыв пăрăхĕсем хурасси, ятарлă техника туянасси, ача-пăча лапамĕсем йĕркелесси, урамсене çутăпа тивĕçтересси, çуп-çап пуçтарассипе вĕсене кирлĕ вырăна илсе çитересси кĕрет.

Юрий СНЕГОПАД.