Халăх календарĕ мĕне вĕрентет?

 Паянхи кун кил-ҫуртра юсав ӗҫӗсем ирттерме сӗнмен - укҫа енчен йывӑрлӑх тӳсмелле пулать тенӗ. Ҫӗнӗ тум ҫӗлеме е киввине саплама юраман - ҫывӑх кунсенче суранланасси пулать тенӗ. 

Паянхи кун никампа та тавлашман, вӑрҫӑнман - ҫемьери "телей кайӑкӗ" сивӗнесрен хӑранӑ. Паянхи каҫ тӗлленнӗ тӗлӗке никама та каласа памалла мар тенӗ.  

 Халăх сăнанинчен:

 - Якку кунне ирех ҫумӑр ҫусан каҫ кӳлӗм юр ҫӑвасса кӗт тенӗ.

 - Паянхи кун юр ҫусан ҫулталӑк ӑнӑҫлӑ пулать тенӗ.

-  Паян шыв кӳленчӗкӗсем пӑрпа витӗнсен кӗркунне вӑраха тӑсӑлса каять тенӗ.

 Ырӑ та кӑмӑллӑ шӑматкун сунатпăр сире! Кану кунĕсене аван ирттерӗр! 

Юрий СНЕГОПАД.