Пушкăртстанри пĕр район сĕт суса илессипе рекордлă кăтарту тунă

Чекмагуш районĕ сĕт сăвассипе республикăра рекордлă кăтарту тунă тесе пĕлтерет хăйĕн социаллă сечĕсенче регион ертÿçи Радий Хабиров. Муниципалитетри выльăх-чĕрлĕх ĕрчетекенсем историнче пуçласа талăкне 200 тонна сĕт суса илнĕ.

«Чекмагушсене тата республикăри мĕнпур ял ĕçченĕсене тав тăватăп. 200 тонна сĕт – ку вăл чугун çул çинчи виçĕ цистернăран ытларах. Унсăр пуçне республикăри мĕнпур сĕтĕн пĕрре вуннăмĕш пайĕ пулать. Çакăн чухлĕ сĕтпе 220 пин çынна тивĕçтерме май пур», - палăртнă Радий Хабиров.

Пушкăртстан пуçлăхĕ çавăн пекех Чекмагуш районĕнчи пысăк ял хуçалăх предприятисенче сĕт туса илессипе проектсем ăнăçлă пурнăçа кĕнине çирĕплетнĕ. «Базы» ял хуçалăх предприятийĕ тата «Герой» СПК-колхоз республика ертÿçи ирттерекен «Инвестсехетсене» хутшăнаççĕ.

Юрий СНЕГОПАД.