+7 °С
Пӗлӗтлӗ
Лаша ĕрчетесси – Пушкăртстанри брендсенчен пĕри, пыл тата курай пекех. Паллах, çак ĕç çăмăл мар, вăй-хал тата пысăк тимлĕх кирлĕ. Низамутдиновсен хуçалăхĕнче – 400 пуç лаша. Усламçăсем килти выльăхăн селекцине пысăк тимлĕх уйăраççĕ, хăйсем тĕллĕн выльăх апачĕ хатĕрлеççĕ. Çакăн валли хуçалăхра ятарлă техника пур.
Диляра Низамутдинова аш-какай направленине те алла илнĕ – лаша ашĕ сутать. Муниципаллă программăна хутшăнса оборудованисем туянма тăкакланă укçа-тенке саплаштарнă. Çавăн пекех «Çемье выльăх-чĕрлĕх фермисем» республика программи тăрăх грант илнĕ. Планра – хăйĕн продукцийĕ валли «халяль» статуса тивĕçесси.