«Тулпар Мияки» элитлă вăрлăхсене ÿстерессине 118 млн тенкĕ инвестицие хывать

Проектри инвестици калăпăшĕ 118 млн тенкĕпе танлашать, ăна пурнăçланă хушăра 9 ĕç вырăнĕ уçăлĕ. Регионти çĕр пурлăхĕн министрĕ Наталья Полянская чикĕ леш енчи таварсене ылмаштармалли программа витĕмĕпе компани 1,5 пин гектар çĕр лаптăкне арендăна суту-илÿсĕр илнине пĕлтернĕ.

- ПР  Ял хуçалăх министерствипе пĕрле 2022 çулта чикĕ леш енчен илсе килекен ял хуçалăх продукцине вырăнтипе улăштарас тесе 15 çĕр лаптăкĕ, 2023 çулта 34,8 пин гектар йышăнакан 331 çĕр лаптăкĕ уйăрнă, - пĕлтернĕ Наталья Полянская.

Инвестор элитлă вăрлăхсене пусă çаврăнăшĕпе усă курса - ял хуçалăх культурисене вăхăтпа тата вырăнпа черетлесе ÿстерме палăртать. Тĕш тырă вăрлăхĕсене хамăр республикăра тата кÿршĕ регионсене сутма палăртать.

Вице-премьер, Пушкăртстанри ял хуçалăх министрĕн Ильшат Фазрахманов  2023 çулта регионта элитлă вăрлăхсене ÿстересси 13 процентпа танлашнине пĕлтернĕ.

- Çак лайăх кăтарту, 2022 çулпа танлаштарсан вăл нумайрах. Пирĕн 15 процента çывхарас тесе тăрăшмалла. Çапла пултăр тесен элитлă вăрлăхсене ÿстерес текен хуçалăхсене пулăшмалла, - тенĕ Ильшат Фазрахманов.