Пушкăртстанра пĕрремĕш 100 пин тонна тĕш тырă пухса илнĕ

Июль уйăхĕн 30-мĕшĕ тĕлне республикăри 26 районти хуçалăхсем кĕрхи тĕш тырă культурисене пухса кĕртме пуçланă. Çапла майпа 30 пине яхăн гектар çулса тата çапса илнĕ, пĕтĕмĕшле тухăç 102 пин тоннăпа танлашнă, пĕр гектартан вăтамран 35 центнер тырă пухса кĕртнĕ. Тухăçăн ытларах пайĕ - кĕрхи тулă (94,5 пин тонна),  ытти - ыраш, тритикале тата ытти культурăсем.

Паянхи кун тĕлне Авăркаспа Çтерлĕ районĕсенчи кăтартусем чи пысăккисем -  вĕсем 17 тата 18 пин тонна тырă пухса илнĕ. Малта пыракан районсенче кĕрхи культурăсен тухăçĕ пĕр гектартан 40 центнер ытла тухать.

Çавăн пекех регионти çичĕ районти ял хуçалăх предприятийĕсемпе фермерсем кĕрхи рыжика выраççĕ. Пĕтĕмĕшле 1,9 пин гектар çу культурине çапса илнĕ, 1,6 пин тонна çу вăрлăхĕ пуçтарнă.