Республикăра лаша ĕрчетме 200 млн тенкĕ уйăрнă

 - Пирĕн республика лашасен шучĕпе (128 пин пуç) çĕршывĕпе иккĕмĕш вырăн йышăнать, кăмăс тăвассипе малта пырать. Çак кăтарту 15 çул хушши тытăнса тăрать, - тенĕ Ильшат Фазрахманов.

Паянхи кун лаша ĕрчетекенсем ял хуçалăх шайĕнчи мĕнпур пулăшу мерипе усă курма пултараççĕ. Çав шутра – çăмăллăхлă кредитсем, техникăпа тырă туянма субсидисем, грантсем. Юлашки виçĕ çул хушшинче регионти усламçăсене, лаша ĕрчетекенсене, 200 млн тенкĕ патшалăх пулăшăвĕ панă.

Виçĕ çул хушшинче грант пулăшăвĕ енĕпе уйăрнă пĕтĕмĕшле хисеп 131 млн тенкĕрен иртнĕ тесе хушнă Пушкăртстанри Ял хуçалăх министерствин пресс-службинче.