Аграрисем палăртнинчен ытларах сенаж хатĕрленĕ

ПР Ял хуçалăх министерстви пĕлтернĕ тăрăх, вырма вăхăтĕнче çанталăк условийĕсем начар пулнине пăхмасăр аграрисем выльăхсене хĕл каçма çителĕклĕ апатпа тивĕçтернĕ. Август уйăхĕнче тăпра ытлашши нÿрĕ пулнăран инкеклĕ лару-тăру режимне йышăннăччĕ.

Паянхи кун сенажа планпа палăртнинчен нумайрах хатĕрленĕ — 111% ( 1,24 млн тонна яхăн). Унсăр пуçне 595 пин тонна утă çулса типĕтнĕ. Силос хатĕрлес ĕç те малалла пырать - 640,7 пин тонна йÿçĕтнӗ симĕс масса хывнă.

Хĕл каçма пуринчен ытла Авăркас,Илиш, Татăшлă, Дюртюли, Çтерлĕ тата Чекмагуш районӗсен аграрийĕсем силос хатĕрленĕ — кашни районта 43 пин тоннăран пуçласа 70 пин тонна таран.