Ял хуçалăх кооперацисене пулăшу туса 1,833 млрд тенкĕ уйăрнă

ПР Ял хуçалăх енĕпе консультаци паракан центрăн директорĕ Ирик Сакаев палăртнă тăрăх, çулталăк вĕçĕ тĕлне республикăра ĕçлекен ял хуçалăх кооперацийĕсен шучĕ 445 çитмелле, çапла майпа тупăш 7,9% (3,3 млрд тенке çити) ÿсмелле. Çав шутран 259 кооператив ял хуçалăх продукцийĕ туса кăларать, 169-шĕ хатĕр продукцие суту-илÿ организацийĕсене илсе çитерет. Çулталăк пуçламăшĕнчен регионта 24 çĕнĕ кооператив йĕркеленĕ.

Пушкăртстанри ял хуçалăх кооперативĕсен съездне Ĕпхÿре уçăлнă «Наш бренд» фестиваль шайĕнче йĕркелесе ирттернĕ. Асăннă фестиваль ноябрь уйăхĕн 28-30-мĕшĕсенче «Экспо» курав комплексĕнче иртет. Кунта 15 отрасль секцийĕ ĕçлĕ, лекцисемпе мастер-классем, суту-илÿ конференцийĕсем, Ресторатор кунĕ иртĕ.