Хупăнакан пасарсене ял хуçалăх ярмăрккисем улăштарĕç

Пушкăртстанра пасар шучĕсем сахалланса пыраççĕ. Енчен те 2007 çулта вĕсен шучĕ 111 пулсан, 2024 çулхи декабрь уйăхĕнче пурĕ 32 тăрса юлнă. Çав шутра 21 ял хуçалăх продукцине сутаканнисем, 9 универсаллă, 2 ятарлисем. Сăмахран, Ĕпхÿпе Çтерлĕ хулисенче пасарсемпе ял хуçалăх продукцине сутакан вырăнсем суту-илÿпе сервис комплексĕсем шутланаççĕ.

Республикăри суту-илÿ министрĕ Алексей Гусев пасарсене пысăк конкуренци супермаркетсемпе онлайн-лавккасем тунипе çыхăнтарать. Вĕсенче ассортимент пуянрах, хаксем те йÿнĕрех.

Тепĕр сăлтавĕ федераллă саккун нормисемпе çыхăннă. Ун тăрăх, уйрăм суту-илÿ тăвакан пасарсем тĕплĕ зданисенче вырнаçмалла.

Çавăн пекех федераллă саккун 2025 çулхи март уйăхĕн 1-мĕшĕ уйрăм суту-илÿ тăвакан сутуçăсене тĕрĕслев-касса аппарачĕпе ĕçлеме ыйтать. Çак çĕнĕлĕхсем пĕчек хуласемпе районсенче пасарсем сахалланасси патне илсе çитерĕ.

Алексей Гусев çак ыйтăва ял хуçалăх ярмарккисем татса пама пултарни çинчен пĕлтернĕ. Халĕ регионта 300 ярмарка вырăнĕ пур, вĕсен шутĕнче 38 яланхисем 262 канмалли кунсенче ĕçлекеннисем. Вĕсенче 13 пин суту-илÿ вырăнĕ уйăрнă. Иртнĕ çул Пушкăртстанра 23 пин ярмарка иртнĕ.

Халĕ муниципалитетсенче фермерсемпе пахчаçăсен продукцийĕсене сутмалли вырăнсем тăваççĕ. Паянхи кун тĕлне 4 пин вырăнлă 305 лапам йĕркеленĕ.

Автор:Инга Алексеева

Читайте нас:

Телефон

8-347-86-4-12-78

Электронлă почта

[email protected]

Адрес

Республика Башкортостан, г. Белебей, ул. Мало Луговая, 53А

Реклама пайĕ

8-347-86-3-25-44

Редакци

8-347-86-4-22-81

Пĕрле ĕçлени

8-347-86-4-22-81

Кадрсен пайĕ

8-347-86-4-14-73