Ял хуçалăх министерствинче Агропромышленность комплексĕн кадр потенциалне пулăшу парассипе çыхăннă регион программипе килĕшÿллĕн 2025 çулта патшалăх пулăшăвне тивĕçекенсене суйласа илнĕ. Конкурса ял хуçалăхĕнче тăрăшакан 100 ытла çамрăк специалист хутшăннă. Конкурс пĕтĕмлетĕвĕсем тăрăх, вĕсенчен 70-шĕ çитес вăхăтра бюджетран 750 пин тенкĕшер илĕç.
Правительствăн вице-премьерĕ - ПР ял хуçалăх министрĕ Ильшат Фазрахманов ял хуçалăхĕнче кадрсем çитмен ыйту малтанхи пекех çивĕч тăнине палăртнă.
- Пултаруллă специалистсемшĕн «кĕрешÿ» пырать, - тенĕ вăл. - Агропромышленность комплексĕн кадр потенциалне пулăшу парассипе çыхăннă регион программи пирĕн ял хуçалăх предприятийĕсене пулăшу парать.