Çулталăк пуçланнăранпа республика ытти регионсене икĕ хут нумайрах тырă ăсатнă

Çак даннăйсене Россельхознадзорăн регионти управленийĕ илсе кăтартать, унăн специалисчĕсем продукцин пахалăхне тĕрĕсленĕ.

Çапла майпа январь уйăхĕн 9-мĕшĕнчен пуçласа март уйăхĕн 7-мĕшĕччен ведомство 108 пин тонна ытла тĕш тырăпа унран тунă продукцин 2099 карантин сертификатне хатĕрленĕ. Продукцие Раççейри 18 региона (иртнĕ çул 13 региона) ăсатнă. Чи кирлĕ культурăсем:  тулă, урпа, ыраш, пăрçа, хĕвел çаврăнăш вăрри, йĕтĕн, кĕрпесем шутланаççĕ. Пушкăртстанран ăсатнă пур продукци те ГОСТ ыйтнине тивĕçтерет.