Юлашки пилĕк çул хушшинче вĕсем 55 пин гектар таран сахалланнă. Çакă инвестици проекчĕсене пурнăçа кĕртме лаптăксем уйăрса панипе тата ял-саласен чиккисене анлăлатнипе çыхăннă. Сăмахран, иртнĕ çулхине ял-саласен çĕрĕ шутне 35 пин гектар куçнă.

ПР правительствин премьер-министрĕ Адрей Назаров палăртнă тăрăх, çав вăхăтрах çакăн йышши çĕрсемпе тухăçлă усă курманнине те çирĕплетнĕ. Асăннă территорисем çинче çум курăк, йывăçсем ÿсеççĕ, санкцилемен çÿп-çап вырăнĕсем йĕркеленеççĕ. Çапла 2023 çул вĕçĕ тĕлне  ял хуçалăх пĕлтерĕшлĕ усă курман çĕрсен лаптăкĕ 200 пин ытла гектартан иртнĕ.    

 - Пĕлтĕр çакăн йышши çĕрсене 36 пин гектар таран сахаллатма пултартăмăр, - тенĕ Андрей Назаров.

Пушкăртстанра юлашки виçĕ çул хушшинче ял хуçалăх çаврăнăшне усă курман 100 пин ытла гектар çĕр лаптăкĕ кĕртнĕ. Вĕсенчен 36 пин гектарне – 2024 çулта. 2025 çул вĕçлениччен тата 33 пин ытла гектар ĕçе кĕртме палăртаççĕ.