Пушкăртстан аграрийĕсем 4 млрд тенкĕлĕх ял хуçалăх техники туяннă

Республикăри аграрисем 2025 çулхи тăватă уйăх хушшинче 4 млрд ытла тенкĕлĕх 616 ял хуçалăх техники тата оборудовани туяннă. Çакă иртнĕ çулхи январь-апрель уйăхĕсемпе танлаштарсан 1,1 млрд тенкĕ нумайрах тесе пĕлтернĕ оперативлă каншлура ПР Правительствин вице-премьерĕ – ял хуçалăх министрĕ Ильшат Фазрахманов.

Çулталăк пуçламăшĕнчен 116 трактор, 12 тырă вырмалли комбайн, çавăн пекех çĕре кăпкалатакан тата ака-суха тăвакан 170 ытла техникăпа оборудовани туяннă.

Пуринчен ытларах Çтерлĕпе Кармаскалă тат Илиш районĕсенчи аграрисем техника паркне (416-457 млн тенкĕ тăкаланă) çĕнетнĕ. Аскинпа Мишкин тата Мечетлĕ тăрăхĕсенче туяну калăпăшĕ пĕчĕк. Арханельскпа Бирск тата Бурзян районĕсенче пачах нимĕнле техника та туянман.

Автор:Ирида Матниязова

Читайте нас

Партнеры