Сĕтеклĕ выльăх апачĕ хатĕрлеççĕ

Чи нумай выльăх апачĕ Илиш (100 пин тонна), Чекмагуш (93 пин тонна), Çтерлĕ (75 пин тонна) районĕсенче хатĕрленĕ. Асăннă хуçалăхсем выльăх-чĕрлĕх продукцийĕ (уйрăммăн илес пулсассăн таварлăх сĕт) туса кăларас енĕпе яланах малтисен шутĕнче.
Яланхи пекех, август тата сентябрь уйăхĕсенче хуçалăхсем силос хатĕрлеççĕ. Хальлĕхе ăна икĕ районта – Татăшлă тата Калтасă районĕсенче – хывма тытăннă. Пурĕ 19,5 пин тонна сĕтеклĕ выльăх апачĕ, планпа палăртнинчен 2% сахалрах, хывнă.
Республикăра выльăх апачĕпе тивĕçтересси (çулса хывнă утта шута илсен) пĕр выльăх пуçне 16,5 центнерпа танлашать, çакă планпа палăртнин 65% шутланать.
Надежда АЛЕКСЕЕВА.