Пушкăртстанра 200 пин тонна сахăр туса кăларнă

«Раевсахар» компани тата Чишмари сахăр завочĕ 1,5 млн тонна сахăр кăшманĕ хатĕрленĕ. Паянхи кун тĕлне предприятисем 200 пин тонна яхăн шурă сахăр туса кăларнă. Çакă вăл иртнĕ çулхинчен 9 % нумайрах пулса тухать.

2025 çулта Пушкăртстанра сахăр кăшманне 43 пин гектар çинче акнă. Асăннă культурăна çитĕнтерекен республикăри хуçалăхсем рекордлă кăтартусем тунă – гектартан 480 центнер тухăç тухнă. Пĕтĕмĕшле 2,1 млн тонна пылак тымар пухса илнĕ.

Юрий СНЕГОПАД.