Элеваторсемпе сахăр завочĕсем çĕнĕ сезона хатĕрленеççĕ

- Çак эрнере элеваторсене тĕрĕслесе йышăнас ĕçе вĕçлĕпĕр. Республикăри вăтăр тăватă элеваторăн тата аграрисен склад пÿлĕмĕсен пĕтĕмĕшле хăвачĕ 4,2 млн тонна тĕш тырă тата çу культурисене упрама май парать. Паянхи кун ĕçлекен кăтартусемшĕн çакă çителĕклĕ, - тенĕ Ильшат Фазрахманов.

Çав вăхăтрах Пушкăртстанри сахăр завочĕсене те – «Раевсахар» тата «Чишмари сахăр завочĕ» – тĕрĕслеççĕ. Кашни завод талăкне 12 пин тонна сахăр кăшманĕнчен продукци туса кăларма пултарать. «Раевсахар» тата «Чишмари сахăр завочĕ» 1 млн тонна чĕр тавар йышăнма палăртаççĕ. Предпрятисене август уйăхĕн вĕçĕнче хута ярĕç.