+17 °С
Облачно
Ял хуçалăхĕ
5 Августа , 10:00
Тырă пуссисене çапса илме 4 пин хир карапĕ тухнă
ПР Ял хуçалăх министерстви пĕлтернĕ тăрăх, кăçал вырмана 4 пин комбайн хутшăннă. Технологи майĕсем тĕш тырă тата пăрçа йышши культурăсене талăкне 60 пин гектар çинчен çапса тĕшĕлеме май параççĕ. Пĕр комбайн пуçне вăтамран 440 гектар лекет. Талăкри ĕç хăвăртлăхне ÿстерес, 100 пин гектара çитерес, пĕр комбайн пуçне вăтамран 350 гектар лектĕр тесен çитес пилĕк çулта 1200 тĕш тырă вырмалли комбайн туянмалла.
Тырă пуссисене çапса илме 4 пин хир карапĕ тухнă
Республикăри аграри предприятийĕсем пĕрремĕш çур çулта 6 млрд тенкĕлĕх 928 ял хуçалăх машини туяннă. Çав шутра 152 трактор, 58 тĕш тырă вырмалли комбайн, 6 выльăх апачĕ хатĕрлемелли комбайн, 58 хăй тĕллĕн сирпĕтекен хатĕр, çĕре кăпкалатакан тата ака-суха тăвакан 250 техника. Агропромышленность комплексĕн техника паркне «Апат-çимĕç хăрушсăрлăхне технологипе тивĕçтересси» наци проекчĕн витĕмĕпе çĕнетеççĕ.
Хальхи вăхăтра республикăн 44 районĕнче кĕрхи тĕш тырăпа рапса пухса кĕртеççĕ. Çĕр ĕçченĕсем 600 пин тонна тырă çапса илнĕ. Пĕр гектартан тухакан вăтам тухăç 36 центнерпа танлашать. Иртнĕ çулхипе танлаштарсан 5 центнер нумайрах.
