Сахӑр туса илесси 25 пин тонна ҫитнӗ

Паянхи кун тĕлне предприятисем 195 пин тонна ытла пылак тымара тирпейленӗ, 25 пин тонна ытла сахӑр туса илнӗ. Ҫав вӑхӑтра республикăри  уй-хирсенче сахӑр кӑшманӗ кăларасси хӗрсе пырать. 18,5 пин гектар çинчи тухăçа пуҫтарса илнӗ,  вăл пӗтӗм калӑпӑшӑн 46 проценчӗпе танлашать.

Тымар ҫимӗҫӗн

пӗтӗмӗшле пуххи 717 пин тоннӑпа танлашать, тухӑҫлӑхӗ — гектартан 387 центнер.

"Пылак тымара ытларах  Чишма районӗнче ÿстереççĕ — 180 пин тонна яхӑн.

Сахăр кӑшманĕн чи лайӑх тухӑҫне Ĕпхÿ районӗнчи хуҫалӑхсем кӑтартаҫҫӗ, унта гектартан 594 центнер пухаҫҫӗ", — пĕлтернĕ Пушкӑртстанри аграри ведомствин пресс-службинче.

Аса илтеретпӗр, иртнӗ çул Раевкăпа Чишма сахăр завочĕсем 1,75 млн тонна ытла пылак тымар тирпейленӗ.

Предприятисем пӗтӗмпе 238,3 пин тонна сахӑр туса илнӗ. Ҫакӑ регионти халӑхӑн ыйтӑвӗсене темиҫе хут хуплать.