Урал сасси
-3 °С
Пӗлӗтлӗ
Пур хыпар та
Ял пурнăçĕ
30 Июлӗн 2021, 15:20

Ял хуçалăх çыравĕ иртет

Пушкăртстанра август уйăхĕн 1-мĕшĕнчен ял хуçалăх çыравĕ пуçланать. 2021 çулта çырав тăвакансем  683 пин объекта (шута илнисен 93%) çитме палăртаççĕ. Мĕнпур объектсене 2016 çулхи Пĕтĕм Раççейри ял хуçалăх çыравĕнче шута илнĕ тесе пĕлтернĕ Пушкăртстанри статистиксем.

Ял хуçалăх çыравĕ иртет
Ял хуçалăх çыравĕ иртет

Çырав вăхăтĕнче ял хуçалăх продукцийĕ туса кăларма тара илнĕ е туяннă çĕр лаптăкĕсен хуçисене‚ урăхла каласан юридиципе физика сăпачĕсене‚ шутлĕç. Çавăн пекех выльăх-чĕрлĕхпе чăх-чĕпсене те.

Çыравра ял çыннисенчен ял хуçалăх техники, ĕçченсем çинчен те ыйтса пĕлĕç. Унсăр пуçне сĕт, пахча çимĕç тата ытти продукцие хăйсене мĕн чухлĕ хăварнипе те интересленĕç. Çак кăтартусем патшалăха ял хуçалăх стратегине аталантарма кирлĕ.

Август уйăхĕн 1-16-мĕшĕсенче ял хуçалăх çыравне ял хуçалăх организацийĕсемпе фермер хуçалăхĕсем электронлă майпа хутшăнма пултараççĕ. Çырав ирттерекенсем çынсен хуçалăхĕсене тата коммерци мар пĕрлешÿсене август уйăхĕн 1-30-мĕшĕсенче çитме палăртаççĕ.

Кăçал ял хуçалăх çыравне 1415 çынна явăçтарĕç. Вĕсене ятарлă тумсемпе тата удостоверенипе тивĕçтерĕç.

Çыравăн малтанхи кăтартăвĕсемпе 2021 çулăн  тăваттăмĕш кварталĕнче паллашма пулĕ‚ юлашки даннăйĕсемпе - 2022 çул вĕçĕнче.     

Автор:Ирида Матниязова
Читайте нас: